मुख्यमन्त्री बानियाँले साउन २७ गते विश्वासको मत लिने

मकवानपुर, २३ साउन । बागमती प्रदेशका मुख्यमन्त्री इन्द्रबहादुर बानियाँले साउन २७ गते प्रदेश सभाबाट विश्वासको मत लिने हुनुभएको छ । एमाले–कांग्रेस गठबन्धनको नेतृत्व गरिरहेका मुख्यमन्त्री बानियाँले भदौ १८ गतेभित्र विश्वासको मत लिनुपर्ने संवैधानिक बाध्यता रहेकाले उक्त मितिमा संसद् बैठक बोलाउन प्रदेशसभा सचिवालयलाई जानकारी गराउनुभएको हो ।