बलात्कारपछि नाबालिका भतिजीको हत्या गर्ने काकालाई आजीवन कैद

विराटनगर : मोरङको धनपालथान गाउँपालिका–५ मा बलात्कारपछि नाबालिकाको हत्या गर्ने काकालाई जिल्ला अदालत मोरङले आजीवन कैद सजाय हुने फैसला सुनाएको छ। न्यायाधीश बाबुराम सुवेदीको इजलासले सोमबार उक्त फैसला गरेको हो। धनपालथान–५ का २२ वर्षीय अनिष सरदारले बलात्कारपछि भतिजी ७ वर्षीया आत्तिका सरदारको हत्या गरेका थिए। घटना लुकाउनलाई हत्या गरेर फालेको अवस्थामा गत असार १४ गते बिहान आत्तिकाको शव फेला परेको थियो।