सरकारका प्रवक्ता गुरुङलाई बर्खास्त गर्न कांग्रेस सांसद भण्डारीको माग

काठमाडौँ । सरकारका प्रवक्ता पृथ्वीसुब्बा गुरुङलाई बर्खास्त गर्न कांग्रेस सांसद शंकर भण्डारीले प्रधानमन्त्री केपी शर्मा ओलीसँग आग्रह गरेका छन्।

प्रवक्ता गुरुङले पाल प्रहरीका प्रहरी महानिरीक्षक (आईजीपी) वसन्त कुँवरलाई सार्वजनिक स्थलमा अपशब्द बोलेको भन्दै उनलाई प्रधानमन्त्रीले बर्खास्त गर्नुपर्ने बताएका हुन्।

‘देशको शान्ति सुरक्षा कायम गर्ने जिम्मा लिएको प्रहरी संगठनको प्रमुखलाई नेपाल सरकारका प्रवक्ता तथा सूचना तथा सञ्चार मन्त्रीबाट सार्वजनिक स्थलमा अपशब्द व्यक्त भएकोमा मैले त्यसको घोर भर्त्सना गर्दै प्रधानमन्त्रीले धानमन्त्रीले सञ्चार मन्त्रीलाई बर्खास्त गर्न आह्वान गर्दछु’, भण्डारीले जारी गरेको विज्ञप्तिमा भनिएको छ।