नाडाको ५० वर्ष : आयातबाट स्वदेशी उत्पादनतर्फ अघि बढ्दै नेपाली अटोमोबाइल क्षेत्र

काठमाडौं । नाडा अटोमोबाइल्स एसोसिएसन अफ नेपाल स्थापना भएको दुई वर्षपछि, सन् १९७७ मा नेपालमा वर्षभरिमा जम्मा ८०१ वटा नयाँ सवारीसाधन दर्ता भएका थिए। पाँच दशकपछि देशमा दर्ता भएका सवारीसाधनको संख्या करिब ५५ लाख पुगेको छ। नयाँ दर्तामध्ये करिब ८४ प्रतिशत मोटरसाइकल रहेका छन्। यी दुई तथ्यांकले नेपाली समाजमा सवारीसाधनको प्रयोगमा आएको व्यापक परिवर्तनलाई देखाउँछन्। पाँच दशकको अवधिमा नेपालमा सडक पूर्वाधार, सवारी बिक्री तथा वितरण, वित्तीय सेवा, बीमा, मर्मतसम्भार र अटोमोबाइलसँग जोडिएको सम्पूर्ण बजार विस्तार हुँदै गएको छ। निर्माण भएको संरचनाको आकार आर्थिक तथ्यांकले पनि देखाउँछ।