अम्बा खान आएको भन्दै ४ वर्षीया बालिकाको हत्या, छिमेकी पक्राउ

विराटनगर : मोरङको सुनवर्षी नगरपालिका–९ डाइनियास्थित मुस्लिम टोलमा ४ वर्षीया बालिकाको हत्या गरेको आरोपमा प्रहरीले छिमेकीलाई पक्राउ गरेको छ। पक्राउ पर्नेमा ५९ वर्षीय जान मोहमद मन्सुरी रहेका छन्। इलाका प्रहरी कार्यालय रंगेलीका इन्स्पेक्टर अशोककुमार झाको नेतृत्वमा खटिएको टोलीले बुधबार उनलाई नियन्त्रणमा लिएको हो। प्रहरीका अनुसार साउन ८ गते साँझ जफारुल मियाँकी ४ वर्षीया छोरी कायानत खातुन घरबाट हराएकी थिइन्।