पाकिस्तानको ब्रोड पिक हिमपहिरोमा परेका ४ जनाको शव फेला

काठमाडौं : पाकिस्तानको काराकोर क्षेत्रमा रहेको ब्रोड पिक हिमपहिरोमा परेकामध्ये ४ जनाको शव फेला परेको छ। बिहीबार बिहान क्याम्प २ बाट क्याम्प ३ आरोहण गर्ने क्रममा हिमपहिरोमा परेका १० जनामध्ये ४ जनाको शव फेला परेको हो। हालसम्म ४ जनाको शरीर भेटिएको भए पनि अन्यको स्थिति अज्ञात रहेको पाकिस्तानी प्रहरीले जनाएको छ।अल्पाइन क्लब अफ पाकिस्तानले ओमानका नाधिरा अल हार्थी र नेपालका पुर बहादुर गुरुङको पहिचान खुलेको जनाएको छ।