सुनसरी शान्त बन्दै गए पनि १० स्थानीय तहमा लगाइएको कर्फ्यु यथावत्

सुनसरी: सुनसरीको देवानगञ्ज गाउँपालिका–३ कप्तानगञ्जमा आइतबार राति हिन्दु र मुस्लिम समुदायबीच भएको झडपपछि अशान्त बनेको जिल्लाको अवस्था बुधबार बेलुकादेखि क्रमशः सामान्य बन्दै गएको छ। बजार खुल्न थालेका छन् भने जनजीवन पनि सामान्यतर्फ उन्मुख भएको छ। तर, सम्भावित अप्रिय घटना रोक्न जिल्ला प्रशासन कार्यालय सुनसरीले जारी गरेको कर्फ्यु आदेश भने यथावत् राखेको छ।