अन्नभण्डारमा जलवायु प्रहार

मधेस प्रदेशका ७० प्रतिशत अझै कृषिमा आश्रित छन् र मधेसको कृषिमा सिंगो नेपाल आश्रित छ। मुलुककै अन्नभण्डारमा जे फल्छ, मूलतः त्यसैले नेपालको पेट भर्छ। पछिल्लो समय भने मधेसको खेतीपाती प्रणाली गिजोलिएको छ, एकातिर पानी, मल र बीउको प्रबन्ध राज्यले गर्दैन, आकाशे पानीको भर वा परम्परागत मुहानको भरोसा गर्नुपर्छ। अर्कोतिर विश्व तापमान वृद्धिले मौसमी चक्र खल्बलिएको छ र भएका मुहान सुकेका छन्। नचाहिने बेला पानी पर्छ, र चाहिँदा सुक्खा लाग्छ।