गोरखामा मलको अभाव उस्तै

गोरखा : गोरखा नगरपालिका–१० छेपेटारका कृषक विष्णु पाठक भर्खरै रोपेको खेतका लागि रासयनिक मल किन्न तीनघण्टा लाइनमा बसे। मल हात थाप्ने ठाउँमा पुगेपछि उनले पाए जम्मा पाँच किलो मल।‘दिउँसो दुई बजेदेखि लाइनमा बसेको, तीनघन्टा उभिएपछि बल्लतल्ल हात परेको यत्ति भए पनि किन छोड्ने भनेर हात थापेँ’, उनले भने, ‘पाँच रोपनी खेतमा पाँच किलो मल हात्तीको मुखमा जिरा भयो।’ उनीमात्र होइन, ३० रोपनी खेत भएकाले पनि दामासाहीले बाँडेको ५ किलो मलमै चित्त बुझाए।