अंकभन्दा माथि मान्छे

हरेक वर्ष जुलाई ११ मा मनाइने ‘विश्व जनसंख्या दिवस’ केवल एउटा औपचारिक अन्तर्राष्ट्रिय दिवस मात्र होइन, यो मानव सभ्यताको वर्तमान अवस्था, विकासको दिशा र भविष्यको मार्गचित्रबारे गम्भीर मन्थन गर्ने अवसर पनि हो। जनसंख्या वृद्धि, उपलब्ध प्राकृतिक स्रोत–साधन, स्वास्थ्य, शिक्षा, रोजगारी, वातावरणीय सन्तुलन तथा मानव अधिकारबीचको जटिल अन्तरसम्बन्धलाई विश्व समुदायले गम्भीर रूपमा बुझ्न थालेपछि यस दिवसको महत्व झन् बढेको छ।