गिग इकोनोमी : आर्थिक रूपान्तरणको नयाँ अध्याय

केही वर्षअघिसम्म रोजगारी भन्नासाथ बिहान कार्यालय पुग्ने, साँझ घर फर्किने र महिनाको अन्त्यमा तलब बुझ्ने परम्परागत अवधारणा नै हाम्रो समाजमा स्थापित थियो। स्थायी जागिर, निश्चित कार्यालय र नियमित समयलाई सफल करियरको मापन मानिन्थ्यो। तर, प्रविधिको तीव्र विकास, इन्टरनेटको पहुँच, कृत्रिम बुद्धिमत्ता (एआई) को विस्तार र विश्वव्यापी डिजिटल रूपान्तरणसँगै रोजगारीको स्वरूप तीव्र गतिमा बदलिँदै गएको छ।