गर्भावस्था : जटिल लक्षणहरू जानी राखौं

गर्भावस्थामा धेरैजसो देखिने र मातृ मृत्युदर तथा रुग्णतासँग प्रत्यक्ष जोडिएका प्रमुख स्वास्थ्य समस्याहरूमा उच्च रक्तचाप र उसका जटिलताहरू मुख्य गरी प्रि–इक्याम्प्सिया र इक्याम्प्सिया महत्वपूर्ण छ। विश्व स्वास्थ्य संगठन (डब्लूएचओ) र ग्लोबल बर्डन अफ डिजिजका अध्ययनहरूले विश्वभर मातृ मृत्युको प्रमुख कारणहरूमध्ये अत्यधिक रक्तस्राव (२७ प्रतिशत), उच्च रक्तचाप (१४ प्रतिशत ) र संक्रमण (११ प्रतिशत) जिम्मेवार रहेको देखाएका छन्।