निमुखाप्रति असंवेदनशील राज्य

काठमाडौं : कर्णालीको विकट जिल्ला मुगुको सोरु– १ का गणेश नेपाली सुखद र सुरक्षित भविष्यको कल्पना गर्दै काठमाडौं पस्छन्। श्रीमती र तीन वर्षकी अबोध छोरीको सुन्दर सपना बोकेका गणेशका लागि ‘कल्पना गरेजस्तो सहर’ बन्दैन। तैपनि, परिवारको मुखमा माड लगाउन केही त गर्नैपर्‍यो, किनकि चरम गरिबीले गर्दा गणेशका काँध हलचल गर्नै मिल्ने अवस्थामा थिएनन्। अन्ततः २५ वर्षकै उमेरमा मोटरसाइकल राइडर बनेर उनले आफ्नो र परिवारको यात्रा तय गर्छन्।