जेटिएको जागिर नपाएपछि पठाओ सेवा गर्दै आएका थिए आत्मदाह गरेका नेपाली

भक्तपुर : बिहीबार काठमाडौँको त्रिपुरेश्वरमा आत्मदाह प्रयास गरी उपचारका क्रममा निधन भएका गणेश नेपाली भक्तपुरमा डेरा गरी बस्दै आएका थिए। मुगु सोरु गाउँपालिका-१ स्थायी घर भएका नेपाली भक्तपुर नगरपालिका-१० कमलबिनायकस्थित चाँगुनारायण पेट्रोल पम्प नजिक उनी रञ्जित भण्डारीको घरमा डेरा गरी बस्दै आएका थिए। गत दुई महिनादेखि डेरा लिएर बसेका उनी जेटिए रहेका घरबेटी भण्डारीले बताए। जेटिएको जागिर नपाएपछि उनी मोटरसाइकल मार्फत पठाओ सेवा गर्दै आएका पाइएको छ।