सरकारलाई सांसद दुलालको प्रश्न : कतिजना नागरिकले आत्मदाह गरेपछि राहदानी घर-घरमा पुग्ने हो ?

काठमाडौं :नेपाल कम्युनिष्ट पार्टीका सांसद युवराज दुलालले त्रिपुरेश्वरस्थित राहदानी विभाग अगाडि एक व्यक्तिले आत्मदाहको प्रयास गरेको घटनाप्रति सरकारको ध्यानाकर्षण गराएका छन्।प्रतिनिधिसभा बैठकमा आकस्मिक समय लिएर बोलेका सांसद दुलालले सरकारले नागरिकको घरमै राहदानी सेवा पुर्‍याउने घोषणा गरे पनि सेवाग्राहीले अझै सास्ती खेप्नुपरेको बताए। उनले राहदानी वितरणमा ढिलाइ भएका कारण ती व्यक्तिले आत्मदाहको प्रयास गरेको दाबी गरे।