हास्यव्यङ्ग्यात्मक चलचित्र ‘तिरिमिरी झ्याइँ’को शुभ मुहूर्त

काठमाडौँ । होराइजन मोसन पिक्चर्स प्रालिको ब्यानरमा निर्माण हुन लागेको पूर्णतया हास्यव्यङ्ग्यात्मक नेपाली कथानक चलचित्र ‘तिरिमिरी झ्याइँ’को एक कार्यक्रमका बीच शुभ मुहूर्त गरिएको छ । वैदिक विधिअनुसार पूजाआजा गर्दै निर्माण टोली, कलाकार र सञ्चारकर्मीहरूको उपस्थितिमा चलचित्रको औपचारिक शुभारम्भ गरिएको हो । मुहूर्त शटसँगै चलचित्रको निर्माण यात्रा विधिवत् रूपमा अगाडि बढेको छ ।