ग्रे–लिस्टको चंगुलले बिगारेको मुलुकको छवि

फ्रान्समा केन्द्रीय कार्यालय रहेको फाइनान्सियल एक्सन टास्क फोर्स (एफएटीएफ)ले २०८१ फागुनदेखि नेपाललाई सम्पत्ति शुद्धीकरणको ‘ग्रे–लिस्ट’मा राखेको थियो। त्यसबेला नेपाललाई दुई वर्षका लागि उक्त सूचीमा राखिएको थियो, जसको समयावधि आगामी फागुनमा सकिँदै छ। यसैबीच, गत असार ५ गते एफएटीएफले नेपालले सुधार गर्नुपर्ने भन्दै ६ बुँदे सुझावसमेत थमाएको छ। यदि अब पनि सुधार नभए नेपाल कालोसूचीमा पर्न सक्छ।