नेपाल–जापान : मितेरीका सात दशक

नेपाल र जापानबीचको सम्बन्ध केवल भौगोलिक दूरीमा नाप्न सकिँदैन; यो त दुई देशका जनताबीचको भावनात्मक, सांस्कृतिक र ऐतिहासिक सामीप्यको अटुट शृंखला हो। सन् १९५६ मा कूटनीतिक सम्बन्ध स्थापना हुनुभन्दा धेरै अघिदेखि नै यी दुई राष्ट्रबीच जनस्तरमा प्रगाढ साइनो गाँसिइसकेको थियो।एसियाका दुई प्राचीन सभ्यता बोकेका यी देशहरूले विगत सात दशकमा राजनीतिक, आर्थिक र सामाजिक क्षेत्रमा उदाहरणीय सहकार्य गर्दै आएका छन्।