शिक्षण संस्था सर्वेक्षण : बागमतीमा सबैभन्दा धेरै विद्यालय, कर्णालीमा कम

काठमाडौं : नेपालमा  सरकारी स्वामित्वबाहेकका (निजी, सामुदायिक, साझेदारी र गुठी) शिक्षण  संस्थाहरूको संख्या बागमती प्रदेशमा सबैभन्दा धेरै र कर्णाली प्रदेशमा सबैभन्दा  कम रहेको पाइएको छ। राष्ट्रिय तथ्यांक कार्यालयले सार्वजनिक गरेको  ‘नेपाल शिक्षण संस्था सर्वेक्षण, २०८१’ को नतिजाअनुसार देशभर सञ्चालनमा रहेका  कुल १० हजार ४ सय ११ गैरसरकारी शिक्षण संस्थामध्ये २७.९ प्रतिशत बागमतीमा  र मात्र ३.६ प्रतिशत कर्णालीमा छन्।