भारत–अमेरिका रणनीतिक सम्बन्ध सुदृढ गर्ने संकेतसहित रुबियोको भारत भ्रमण

अमेरिकी विदेशमन्त्री मार्को रुबियोले भारतको पहिलो औपचारिक भ्रमण सुरु गरेका छन्। चीनसँग हालै भएको उच्चस्तरीय वार्तापछि बदलिँदो वैश्विक समीकरणबीच यो भ्रमणलाई भारत–अमेरिका रणनीतिक साझेदारी पुनः सुदृढ गर्ने अवसरका रूपमा हेरिएको छ। रुबियोको चार दिने चार सहर समेटिएको भ्रमण शनिबार कोलकाताबाट सुरु भएको हो। उनले त्यहाँ मदर टेरेसाद्वारा स्थापित मिशनरीज अफ च्यारिटीको मुख्यालयको अवलोकन गरेका छन्।