घरायासी विवादमा बन्चरो प्रहार गरी आफ्नै छोराले गरे बाबुको हत्या

काठमाडौँ । सप्तरीमा छोराले बाबुको हत्या गरेको गरेका छन् । सप्तरीको सप्तकोसी नगरपालिका(३ सखबनी नयाँ बस्तीका २२ वर्षीय लालदेव सदाले बन्चरो प्रहार गरी ४५ वर्षीय बुबा हिराई सदाको हत्या गरेका हुन्।

बुधबार बिहान ८ बजेतिर घरायसी विवादमा बन्चरो घाँटीमा प्रहार गर्दा हिराईको घटनास्थलमै मृत्यु भएको जिल्ला प्रहरी कार्यालय सप्तरी प्रहरी प्रवक्ता डुण्डिराज न्यौपानेले जानकारी दिए।

आरोपी लालदेबले छिमेकी ६५ वर्षीय दसन सदालाई पनि बन्चरो प्रहार गरेका थिए। बन्चरो प्रहारले उनको टाउको र हातमा चोट लागेको छ। अहिले उनको फतेपुरस्थित स्थानीय अस्पतालमा उपचार भइरहेको छ।

आरोपी लालदेवलाई बन्चरोसहित नियन्त्रणमा लिई थप अनुसन्धान भइरहेको पाण्डेको भनाइ छ।