पारा ओलम्पिक्समा कांस्य पदक विजेता ६५ लाख नगदसहित सम्मानित

काठमाडौँ । पेरिस पारा ओलम्पिक्समा कांस्य पदक विजेता पलेशा गोवर्द्धन ६५ लाख नगदसहित सम्मानित भएकी छन् । 

प्रधानमन्त्रीको सरकारी निवास बालवाटारमा आयोजित एक कार्यक्रमकाबीच पलेशालाई सम्मान गरिएको हो ।

प्रधानमन्त्री केपी शर्मा ओलीले उनलाई सरकारले डिजिटल माध्यम मार्फत खातामा रकम जम्मा गर्दिएको जानकारी दिए । 

त्यस्तै, खेल प्रशिक्षक कविराज नेगीलाई ५ लाख ८५ हजार र टीम व्यवस्थापकलाई २ लाख ९२ हजार रुपैयाँ पुरस्कारसहित सम्मान गरिएको छ ।

प्रधानमन्त्री ओलीले पदक विजेता गोवर्द्धनसहित प्रशिक्षकहरूलाई नगद र प्रशंसापत्रसहित सम्मान गरेका छन् ।  राष्ट्रिय खेलकुद विकास नियमावली अनुसार प्रदान गरिएको यो पुरस्कारमा लाग्ने कर छुट गरिने निर्णय यसअघि मन्त्रिपरिषद्ले गरेको थियो ।

पलेसाले पेरिस पारालिम्पिक्समा तेक्वान्दोको के ४४ विधाअन्तर्गत महिला ५७ केजीमुनिको प्रतिस्पर्धामा सर्बियाकी खेलाडीलाई पराजित गर्दै कास्य पदक जितेकी थिइन् ।