प्रधानमन्त्री ओली र कांग्रेस सभापति देउवाबीच भेटवार्ता

काठमाडौँ । प्रधानमन्त्री केपी शर्मा ओली र सत्ता साझेदारी दल नेपाली कांग्रेसका सभापति पूर्वाप्रधानमन्त्री शेरबहादुर देउवाबीच भेटवार्ता भएको छ ।

आज शनिबार भएको भेटमा  राजनीतिक विमर्शका साथै सरकारले गरिरहेका र गर्नुपर्ने कामका विषयमा छलफल भएको प्रधानमन्त्री ओलीले जानकारी दिएका छन्।

सामाजिक सञ्जालमार्फत प्रधानमन्त्री ओलीले भनेका छन्, ‘नेपाली कांग्रेसका सभापति, पूर्वप्रधानमन्त्री, मेरा मित्र शेरबहादुर देउवाजीसँग कुराकानी भयो। केही जानकारी आदानप्रदान, केही राजनीतिक विमर्श तथा सरकारले गरिरहेका र गर्नुपर्ने कामका विषयमा पनि कुरा भए।’