पैसै पैसा, हात लाग्यो शून्य

पैसा नभई हुन्न। तर पैसा भएर मात्रै पनि केही हुँदैन। पैसाको सही सदुपयोग गर्न नसके त्यसको ‘मूल्य’ हुन्न। अहिले नेपालका बैंकहरूमा पैसाको थुप्रो लागेको छ। तर केही नभएजस्तो भएको छ। अर्थात् त्यो पैसाको सदुपयोग गर्न सकिएको छैन। आखिर सम्पत्ति र स्रोत भनेको परिचालन नभए मूल्यहीन नै हुन्छ। बैंक तथा वित्तीय संस्थामा १३ खर्ब ६३ अर्ब रुपैयाँ तरलता छ। लगानीयोग्य पुँजी १० खर्बभन्दा बढी छ। तर लगानी हुन सकेको छैन।बैंकहरूले कर्जा प्रवाह गर्न पाएका वा सकेका छैनन्।