नेपाली भाषालाई लोकप्रिय र साझा बनाउन भानुभक्तको महत्त्वपूर्ण योगदान छः डिल्लीराज भट्ट

कास्की । गण्डकी प्रदेशका प्रदेश प्रमुख डिल्लीराज भट्टले नेपाली भाषालाई लोकप्रिय र साझा बनाउन आदिकवि भानुभक्तको महत्त्वपूर्ण योगदान रहेको बताएका छन् । आदिकवि भानुभक्त आचार्यको २१३ औँ जन्मजयन्तीका अवसरमा भानु वाङ्मय प्रतिष्ठान पोखराले आज आयोजना गरेको विशेष समारोहमा उनले विश्वभरका नेपालीलाई भाषा र साहित्यमार्फत जोड्ने काम भानुभक्तले गरेको बताए ।