अमेरिकाले भेनेजुएलाका राष्ट्रपतिमाथिको इनाम पाँच करोड डलर पुर्‍यायो

काठमाडौँ : संयुक्त राज्य अमेरिकाले सङ्घीय लागुऔषध तस्करीको आरोपमा फरारको सूचीमा रहेका भेनेजुएलाका राष्ट्रपति निकोलस मदुरोमाथिको इनाम बिहीबार दोब्बर गरेर पाँच करोड डलर पुर्‍याएको छ। यसलाई काराकासले ‘दयनीय’ र ‘हास्यास्पद’ भनेर वर्णन गरेको छ। मदुरोका विगतका दुई चुनावी विजयलाई मान्यता नदिने वासिङ्टनले दक्षिण अमेरिकी देशका नेतामाथि कोकेन तस्करी गिरोहको नेतृत्व गरेको आरोप लगाएको छ।