{UPDATE}त्रिशूलीमा ट्याक्सी खस्दा पाँचजनाको मृत्यु

काठमाडौँ - काठमाडौंबाट गोरखा जाँदै गरेको ट्याक्सी मुग्लिननजिकै त्रिशूली नदीमा खस्दा पाँचजनाको मृत्यु भएको छ ।

शनिबार बिहान सवा ७ बजे चितवनको इच्छाकामना गाउँपालिका ५ स्थित पृथ्वी राजमार्गको सिमलधारा नजिक बा २ ज ४१९६ नम्बरको ट्याक्सी सडकबाट त्रिशूली नदीमा खसेको हो ।

जिल्ला प्रहरी कार्यालय चितवनका डीएसपी सूर्यबहादुर थापाले पाँचजनाको शव फेला परेको जानकारी दिए। उनका अनुसार तीन महिला, एक पुरुष र एक बालकको शव भेटिएको हो ।  ट्याक्सीमा कति यात्री सवार थिए भन्ने पनि यकिन नभएको प्रहरीले जनाएको छ । गोताखोर टोली परिचालन गरी ट्याक्सी निकाल्ने तयारी भइरहेको छ ।