गाईजात्राको तयारीमा काठमाडौँ उपत्यका, शोकलाई हाँसोमा बदल्ने पर्वको रौनक (तस्बिरहरू)

काठमाडौँ । भाद्र कृष्ण प्रतिपदाको पावन तिथिमा मनाइने नेवार समुदायको मौलिक लोकपर्व गाईजात्रा (सापारु) को पूर्व सन्ध्यामा काठमाडौँ उपत्यकाका ऐतिहासिक बस्तीहरूमा चहलपहल बढेको छ। वर्षभरि दिवंगत भएका आफन्तजनको सम्झनामा मनाइने यस पर्वका लागि काठमाडौंको वसन्तपुर, असन, इन्द्रचोकदेखि ललितपुरको स्वथा र भक्तपुरका विभिन्न क्षेत्रमा आवश्यक सामग्री तथा हस्तकलाका सामानले बजार सजिएका छन्।