असारसम्म खपत भएको विद्युतमा भ्याट नलाग्ने, साउनदेखि न्यूनतम शुल्कमा पनि भ्याट लाग्ने

काठमाडौं। आन्तरिक राजस्व विभागले आर्थिक ऐन, २०८३ अनुसार विद्युत सेवामा मूल्य अभिवृद्धि कर (भ्याट) सम्बन्धी देखिएको अन्योल हटाउँदै सार्वजनिक सूचना जारी गरेको छ। विभागले असार मसान्तसम्म खपत भएको विद्युतमा भ्याट नलाग्ने, तर साउन १ गतेदेखि खपत हुने विद्युत तथा त्यससँग सम्बन्धित न्यूनतम शुल्कमा भने भ्याट लाग्ने स्पष्ट गरेको हो।