बिहान सडकमा गोलभेँडा फ्याँकेका किसानलाई दिउँसो मन्त्रालयमै बोलाएर मन्त्री चौधरीले भनिन्– ‘पीडा बुझेका छौँ, खेतमै आउँछु’

काठमाडौं । बुधबार मध्यान्ह सडकमा गोलभेँडा फ्याँकेर प्रदर्शनमा उत्रिएका किसानहरूसँग कृषि, वन तथा पर्यावरण मन्त्री गिता चौधरीले वार्ता गरेकी छिन् । मन्त्री चौधरीले आजै दिउँसो किसान प्रतिनिधिहरूलाई मन्त्रालयमै बोलाएर उनीहरूका समस्या, गुनासा र मागबारे छलफल गरेको उनको निजी सचिवालयले जनाएको छ।