‘युवाहरू स्वदेशमै परिश्रम गर्न तयार छन्, राज्यले सानै भएपनि उद्यम सुरु गर्ने वातावरण बनाइदिनुपर्छ’

काठमाडौं। युवाको सामाजिक–आर्थिक अवस्था सुदृढ गर्दै उनीहरूलाई सीप, प्रविधि र रोजगारीसँग जोड्ने उद्देश्यका साथ मंगलबार विश्व युवा दक्षता दिवस मनाइँदैछ। विश्वभर बढ्दो बेरोजगारी, श्रम बजारमा आवश्यक सीपको अभाव तथा योग्यताअनुसार रोजगारी प्राप्त गर्न नसक्ने समस्यालाई सम्बोधन गर्ने उद्देश्यले संयुक्त राष्ट्रसङ्घले जुलाई १५ लाई विश्व युवा दक्षता दिवसका रूपमा मनाउने निर्णय गरेको हो।