जेन -जी आन्दोलनबाट प्रभावितले कर्जा पुनर्तालिकीकरण र पुनर्संरचना गर्न सक्ने

 काठमाडाैं। नेपाल राष्ट्र बैंकले कर्जाको पुनर्तालिकीकरण तथा पुनर्संरचना सम्बन्धी व्यवस्थामा परिवर्तन गर्दै नयाँ एकीकृत निर्देशन, २०८२ जारी गरेको छ। यस निर्देशनमा ‘क’, ‘ख’ र ‘ग’ वर्गका इजाजतपत्रप्राप्त बैंक तथा वित्तीय संस्थालाई लक्षित गरी यसअघि जारी गरिएको एकीकृत निर्देशन, २०८१ तथा २०८२ माघ २ सम्म जारी भएका सबै परिपत्र र संशोधनलाई समेटिएको छ।