बेलायतमा प्रधानसेनापति सिग्देलको उच्चस्तरीय भेट, सैनिक सम्बन्धबारे छलफल

प्रधानसेनापति अशोक राज सिग्देलले बेलायत भ्रमणका क्रममा उच्चस्तरीय भेटघाट तथा विभिन्न सैनिक गतिविधिको अवलोकन गरेका छन्। बेलायती सेनाका प्रमुख (चिफ अफ द जनरल स्टाफ) जनरल सर रोली वाकरको निमन्त्रणामा असोज १९ गतेदेखि संयुक्त अधिराज्य बेलायतको औपचारिक भ्रमणमा रहेका प्रधा सेनापति सिग्देलले असोज २० गते बेलायतका उच्च अधिकारीहरूसँग छुट्टाछुट्टै शिष्टाचार भेटवार्ता गरेका हुन्।