ऊर्जामन्त्री घिसिङद्वारा प्राधिकरणभित्रको मन्त्री कार्यकक्ष बन्द गर्न निर्देशन

काठमान्डौ, ३१ भदौ । ऊर्जा, जलस्रोत तथा सिँचाइमन्त्री कुलमान घिसिङले नेपाल विद्युत प्राधिकरण भवनमा रहेको मन्त्री कार्यकक्ष बन्द गर्न निर्देशन दिएका छन् । साथै भौतिक पूर्वाधार तथा यातायात तथा सहरी विकास मन्त्रालयको जिम्मेवारी समेत सम्हालिरहेका मन्त्री घिसिङले उक्त कार्यकक्षलाई अब नेपाल विद्युत प्राधिकरणकै नियमित कार्यसम्पादनका लागि प्रयोगमा ल्याउन आदेश दिएका छन् ।