अर्घाखाँचीमा वन डढेलो सचेतना तथा व्यवस्थापन सप्ताह शुरु

अर्घाखाँची । अर्घाखाँची जिल्लामा वन क्षेत्रमा बढ्दो डढेलो जोखिमलाई ध्यानमा राख्दै “वन डढेलो सचेतना तथा व्यवस्थापन सप्ताह २०८२” को औपचारिक शुभारम्भ गरिएको छ। वन डढेलो नियन्त्रण तथा डढेलोबाट हुन सक्ने क्षति न्यूनीकरणका लागि योजनाबद्ध रूपमा विभिन्न कार्यक्रमहरू सञ्चालन गर्न थालिएको डिभिजन वन कार्यालयका सुचना अधिकारी केशर खड्काले जानकारी दिए ।