सोमबारदेखि हराएका दुई बालक मंगलबार पोखरीमा मृत भेटिए  

काठमाडौँ । सिरहाको नरहा गाउँपालिका–३, खोरियाटोलस्थित पोखरीमा डुबेर दुई बालकको मृत्यु भएको छ । स्थानीय सुशील मण्डलका ६ वर्षीय छोरा राहुल र उनका भान्जा आठ वर्षीय आशीष मण्डलको मृत्यु भएको प्रहरीले जनाएको छ ।

हिजो दिउँसोदेखि हराएका बालक मंगलबार बिहान स्थानीय वसन्त यादवको पोखरीमा मृत फेला परेका जिल्ला प्रहरी कार्यालयका प्रवक्ता एवं प्रहरी नायब उपरीक्षक मुक्तिनाथ सापकोटाले जानकारी दिए ।

मृतकको शव परीक्षणका निम्ति प्रादेशिक अस्पताल सिरहामा राखिएको र घटनाबारे थप अनुसन्धान भइरहेको सापकोटाले बताए ।