गुल्मीको सेउघामा पहिरो जाँदा २ घर जोखिममा, ६ जनाको उद्धार

गुल्मी । गुल्मीको रेसुङ्गा नगरपालिका–४ सेउघामा पहिरो खसेपछि दुई घर जोखिममा परेका छन् । शुक्रबार राति माथिबाट पहिरो खस्दा तेजबहादुर खत्री र एमकला खत्रीको एकतले कच्ची घर जोखिममा परेका हुन् । घटनाको खबर पाएलगत्तै जिल्ला प्रहरी कार्यालय गुल्मीबाट प्रहरी सहायक निरीक्षक प्रविन चौलागाईंको कमाण्डमा ९ जनाको टोली घटनास्थलमा पुगेको थियो ।  प्रहरीले दुवै घरका ६ जनालाई उद्धार गरी तेजबहादुर खत्रीको घरमाथि रहेको गोठको माथिल्लो भागमा सुरक्षित स्थानान्तरण गरेको निमित्त प्रमुख जिल्ला अधिकारी कीरण जोशीले बताइन । पहिरोका कारण थप जोखिम हुन सक्ने भएकाले प्रहरीले घटनास्थलको अवस्था निगरानी गरिरहेको जनाएको छ।