छठ पछाडि सशक्त आन्दोलन हुन्छ, बालेन सरकारको हरिविजोग हुन्छ : महेश बस्नेत

काठमाडौं । नेकपा एमालेका सचिव महेश बस्नेतले दशैँ, तिहार र छठपछि सशक्त आन्दोलन हुने बताएका छन् । एमालेको केन्द्रीय कमिटी बैठकस्थलमा पत्रकारसँग कुराकानी गर्दै उनले त्यो आन्दोलनबाट बालेन्द्र शाह नेतृत्वको सरकारको हरिविजोग हुने बताएका छन् । ‘दशैँ, तिहार र छठपछाडि मधेशदेखि लिएर देशका सबै भूभागका एमालेलगायतका अन्य सबै दल सहभागी भएर एउटा सशक्त आन्दोलन अगाडि बढ्छ,’ नेता बस्नेतले भने, ‘र, बालेन सरकार धेरै हदसम्म हरिविजोग भएर पराजित हुन्छ ।’ पाँच/छ महिनामै बालेन सरकारको मुकुण्डो जनतासामू प्रष्ट भइसकेको बताउँदै उनले जनतामा छरिएका भ्रम पनि निवारण हुन लागेको दाबी गरे । जनताका बीचमा एमाले नै आलोचना र आशाको केन्द्रमा रहेको पनि उनले दाबी गरे ।