कृष्णनगरबाट १६ लाख ८० हजारका ल्यापटप डिस्प्ले बरामद, मोटरसाइकल पनि भेटियो

कपिलवस्तु, असोज ७ । कपिलवस्तुको कृष्णनगरबाट प्रहरीले १६ लाख ८० हजार रुपैयाँ बराबरका २४० थान ल्यापटप डिस्प्ले स्क्रिन प्यानल बरामद गरेको छ। इलाका प्रहरी कार्यालय कृष्णनगरबाट प्रहरी निरीक्षक कृष्णबहादुर कुँवरको कमान्डमा खटिएको प्रहरी टोलीले बुधबार बिहान करिब २ बजे कृष्णनगर नगरपालिका–१२ हरिदवातर्फ गस्ती गर्ने क्रममा सडक छेउमा बेवारिसे अवस्थामा राखिएका ल्यापटप डिस्प्ले फेला पारेको हो।