रोजगारदाता र कामदारबीचको ‘मिसम्याच’ अन्त्य गर्छौं: मन्त्री यादव

काठमाडौं । युवा, श्रम तथा रोजगारमन्त्री रामजी यादवले रोजगारदाताले कामदार र कामदारले रोजगार नपाउने समस्या अन्त्य गर्नेगरी सरकारले काम अघि बढाएको बताएका छन् । बुधवार मन्त्रालयमा सीप तथा रोजगार मेलाबारे जानकारी दिन आयोजित पत्रकार सम्मेलनमा मन्त्री यादवले रोजगारदाता र रोजगारी खोज्ने व्यक्तिबीच रहेको ‘मिसम्याच’ अन्त्य गर्न ‘जब म्याचिङ’ प्रणालीलाई प्रभावकारी बनाउने तयारी भइरहेको बताए ।