सहसचिव कालीप्रसाद पराजुली सचिवमा बढुवा, राष्ट्रिय महिला आयोगको सचिव पद रिक्त

काठमाडौँ । सहसचिव कालीप्रसाद पराजुली सचिवमा बढुवा भएका छन् । सोमबार बसेको मन्त्रिपरिषद् बैठकले पराजुलीलाई सचिवमा बढुवा गर्ने निर्णय गरेको हो । पराजुली हाल राष्ट्रिय महिला आयोगमा सचिवका रूपमा कार्यरत थिए । सचिवमा बढुवा भएसँगै राष्ट्रिय महिला आयोगको सचिव पद रिक्त भएको छ । पराजुली गत साउन १३ गते गृह मन्त्रालयबाट सरुवा भएर राष्ट्रिय महिला आयोग पुगेका थिए । आयोगमा सचिवको जिम्मेवारी सम्हालेको डेढ महिना नबित्दै उनी सचिवमा बढुवा भएका हुन् । राष्ट्रिय महिला आयोग आउनुअघि पराजुली गृह मन्त्रालयमा कार्यरत थिए । त्यसअघि उनले सङ्घीय मामिला तथा सामान्य प्रशासन मन्त्रालयमा काम गरेका थिए । त्यसभन्दा अघि उनी शिक्षा, विज्ञान तथा प्रविधि मन्त्रालयमा कार्यरत थिए । पराजुलीले यसअघि प्रदेश सरकारको सचिवका रूपमा समेत जिम्मेवारी सम्हालेका थिए । त्यस्तै, उनी कृषि तथा पशुपन्छी विकास मन्त्रालयको सचिवसमेत भइसकेका छन् । कृषि तथा पशुपन्छी विकास मन्त्रालयमा सचिव हुनुअघि पराजुली कोरोना महामारीका बेला काठमाडौँका प्रमुख जिल्ला अधिकारीका रूपमा कार्यरत थिए । सचिवमा पराजुलीको बढुवासँगै राष्ट्रिय महिला आयोगमा नयाँ सचिव नियुक्त गर्नुपर्ने भएको छ ।