खर्चको डर देखाएर अवसर नगुमाऔं

नेपालको विकास इतिहासमा पूर्व–पश्चिम राजमार्ग अर्थात् महेन्द्र राजमार्ग, केवल एउटा सडक आयोजना होइन। यो कम स्रोत भएको देशले ठूलो सपना कसरी देख्न सक्छ, त्यो सपना कसरी टुक्रा–टुक्रा गरेर पूरा गर्न सक्छ र राष्ट्रिय प्राथमिकता स्पष्ट भए असम्भव देखिएको परियोजना पनि सम्भव हुन्छ भन्ने ऐतिहासिक प्रमाण हो। आज नेपालले जलविद्युत्, सुरुङमार्ग, रेलमार्ग, सिँचाइ, रासायनिक मल कारखाना, प्राकृतिक ग्यास, औद्योगिक करिडोर र डिजिटल पूर्वाधारजस्ता ठूला आयोजना अघि सार्नुपर्ने बेला आएको छ।तर प्रश्न उही छ, स्र