कास्कीमा जीप दुर्घटना हुँदा दुईजनाको मृत्यु

काठमाडौँ । कास्कीको अन्नपूर्ण गाउँपालिकामा जीप दुर्घटना हुँदा दुईजनाको मृत्यु भएको छ ।

आइतबार  अन्नपूर्ण–४, भदौरे देउरालीनजिक थामडाँडा घुम्तीमा पोखराबाट सल्यानतर्फ जाँदै गरेको जीप दुर्घटना भएको हो ।

ग१ज ५५४७ नम्बरको जीप सडकबाट करिब २५० मिटर तल खसेको प्रहरीले जनाएको छ । सशस्त्र प्रहरी बल कालिका गणका गणपति एसपी अरुण शर्माका अनुसार, जीपमा सवार १० जनाको जीवितै उद्धार गरिएको छ ।

मृतकको पहिचान खुल्न बाँकी छ । जीपमा थप व्यक्ति पनि हुन सक्ने आशंकासहित खोजीकार्य जारी राखिएको प्रहरीले जनाएको छ ।