न्युयोर्कमा प्रधानमन्त्री ओली र मोदीबीच भेटवार्ता

काठमाडौँ । न्युयोर्कमा प्रधानमन्त्री केपी शर्मा ओलीले भारतीय प्रधानमन्त्री नरेन्द्र मोदीसँग भेटवार्ता गरेका छन् । ओलीसँगको भेटवार्ता सकिएपछि मोदीले सामाजिक सञ्जाल एक्समार्फत यस्तो बताएका हुन् ।

संयुक्त राष्ट्रसंघको ७९औँ महासभाको ‘साइडलाइन’मा अमेरिकाको न्युयोर्कमा ओली र मोदीबीच आज भेटवार्ता भएको हो । 
भेटवार्तामा प्रधानमन्त्री ओलीले मोदीलाई नेपाल भ्रमणको निम्तो दिएका छन् ।

छिट्टै आफू नेपालको भ्रमणमा आउने मोदीले बताएको परराष्ट्रमन्त्री आरजु राणाले जानकारी गराएकी छन् ।

भेटमा “प्रधानमन्त्री केपी ओलीसँग न्युयोर्कमा भएको भेटघाट निकै राम्रो रह्यो । भारत–नेपाल मित्रता अत्यन्तै बलियो छ र हामी हाम्रो सम्बन्धलाई अझ गति दिन चाहन्छौँ,” मोदीले भनेका छन् । “हाम्रो छलफल ऊर्जा, प्रविधि र व्यापारजस्ता विषयहरूमा केन्द्रित रह्यो,” मोदीले भनेका छन् ।