काठमाण्डु – मलेसियामा कार्यरत नेपाली श्रमिकहरूसँग गैरकानुनी रूपमा रकम असुली गरी विदेश पठाउने निर्णय प्रक्रियामा संलग्न रहेको आरोपमा खोजी भइरहेका तत्कालीन श्रम सचिव तथा पूर्वमुख्यसचिव एकनारायण अर्याल भारततिर फरार भएका छन् । नेपाल प्रहरीको केन्द्रीय अनुसन्धान ब्युरो (सीआईबी) ले ठगी प्रकरणमा २ पूर्वश्रममन्त्रीसहित ६ जना उच्चपदस्थ पूर्वप्रशासकहरूलाई पक्राउ गरेलगत्तै अर्याल भारत फरार भएका हुन् ।