त्यो देउसी–भैली, यो देउसी–भैली

हरियो गोबरले लिपेको, लक्ष्मीपूजा गरेको,हे औंसी बारो गाईतिहारो भैलो।तिहारै आयो लौ झिलिमिली,हे सुन हजुर भैलिनी आए मागन।।मनको आँखा उघारी हेर,ए सुन हजुर लक्ष्मी आइन् आँगन...।।।नेपालीहरूको दोस्रो महान् चाड तिहार (शुभ दीपावली) झिलीमिली बत्ती र रंगीचंगी फूलहरूको उत्सव हो। तर यो यतिमा सीमित छैन। नेपाली समाजको मौलिक सभ्यता, सांगीतिक सिर्जना र सामाजिक सद्भावको ज्युँदोजाग्दो दस्तावेज हो। ठीक १५ दिनअघि मनाउने हाम्रो मुख्य चाड विजयादशमीले निधारभरि लगाउने रातो टीकामार्फत आपसमा साइनोले जोडिरहन्छ भने यो तिहारले