राष्ट्रपति पौडेलद्वारा दक्षिणकाली मन्दिरमा पूजाअर्चना

काठमाडौं । राष्ट्रपति रामचन्द्र पौडेलले बुधबार बिहान दक्षिणकाली मन्दिरमा पूजाअर्चना गरेका छन् । राष्ट्रपति पौडेल प्रथम महिला सविता पौडेलसहित दक्षिणकाली नगरपालिकास्थित प्रसिद्ध धार्मिक स्थल दक्षिणकाली मन्दिर पुगेका हुन् । मन्दिरमा उनले विधिपूर्वक पूजाअर्चना गरी पुजारीबाट टीकाप्रसाद ग्रहण गरेका थिए । मन्दिर परिसरमा राष्ट्रपति पौडेललाई स्थानीय जनप्रतिनिधि तथा मन्दिर व्यवस्थापन समितिका पदाधिकारीले स्वागत गरेका थिए ।