‘अर्णव’ चक्रवातले पाकेको धान भित्र्याउने चटारो

काठमाडौं : मौसममा आएको अचानक फेरबदल र वर्षाको जोखिमले किसानलाई पाकेको धान भित्र्याउन हतारो परेको छ। मौसम बिग्रन सक्ने चेतावनीपछि कृषि निकायले धान सुरक्षित राख्न सुझाव दिए पनि मेसिन र जनशक्तिको अभावमा किसानलाई समयमै बाली थन्काउन कठिन भएको छ।बंगालको खाडीमा विकसित भई शक्तिशाली बन्दै गएको ‘अर्णव’ चक्रवातको प्रभावले कात्तिक १२ गते बिहीबार रातिदेखि नेपालका विभिन्न क्षेत्रमा मेघगर्जन, चट्याङ र हावाहुरीसहित भारी वर्षाको सम्भावना रहेको छ। राष्ट्रिय कृषि वातावरण अनुसन्धान केन्द्रले मौसममा हुन