फ्रान्सको ऐतिहासिक सिटी हलमा आगजनी गरेको आरोपमा एक जना पक्राउ

काठमाडौं : फ्रान्सको लिमोज सहरस्थित १९औँ शताब्दीमा निर्मित ऐतिहासिक सिटी हलमा आगजनी गर्ने एक जना पक्राउ परेका छन्। फ्रान्सेली सञ्चारमाध्यमका अनुसार पक्राउ परेका व्यक्ति वामपन्थी अतिवादी आन्दोलनसँग सम्बन्धित रहेको आशंका गरिएको छ।शनिबार आन्दोलनका क्रममा भएको आगलागीमा सिटी हलको घडी टावर र छानाका केही भागमा भीषण क्षति पुगेको थियो। आगोका कारण भवनको माथिल्लो संरचना जलेर भत्किएको थियो।फ्रान्स इन्फोका अनुसार पक्राउ परेका ४० वर्षीय व्यक्ति सार्वजनिक अधिकारीमाथि हिंसात्मक गतिविधि गरेको आरोपमा परिचित छन्।