परराष्ट्रमन्त्री खनाल र सुडानी राजदूत एल्टोमबीच शिष्टाचार भेट

परराष्ट्रमन्त्री शिशिर खनालसँग नेपालका लागि सुडानका गैरआवासीय राजदूत मोहम्मद अब्दल्ला अली एल्टोमले शिष्टाचार भेटवार्ता गरेका छन्। सिंहदरबारस्थित परराष्ट्र मन्त्रालयमा भएको भेटमा मन्त्री खनाल र राजदूत एल्टोमबीच आपसी हित र चासोका विविध विषयमा विचार आदानप्रदान भएको थियो। भेटका क्रममा नेपाल र सुडानबीचको द्विपक्षीय सम्बन्ध तथा पारस्परिक हितका क्षेत्रमा सहकार्यका सम्भावनाबारे पनि छलफल भएको जनाइएको छ।